Rev. Thang Saan Mung in Torch Trinity School of Theology , Seoul, Korea pan in Master of Theology (Th.M.) hong ngah maninZomi Innkuan Korea in kilungdampih mahmah hi.

Yangon Zomi Namni

Graduation Pictures

Mr. Pau Lun

Gwangju Zomi Choir

Gwangju Zomi Choir

Mopawi-South Korea

Sia Tuangno leh Siama Leleuhte' mopawi
A ni pen December 9, 2007, South Korea hi.

Zomi Innkuan Korea

Chosuk Holiday Pictures 2007

Activities of Zomi Innkuan Korea (BMC)

Bokdoen Myanmar Community te Easter Sunday ni a, Incheon ah ki helna!La kidemna kinei a letsong tampi tawh kiciahkik hi.

Hopihna!

Hopihna hong khak ing.

Christmas celebration at MCF

Yadana Oo-Christmas Song

Aye Chan May-CBC Concert

Aye Chan May

Aye Chan May

Tedim Church-2

Tedim Church-1

Steven Phawkna

Jeju Island Zinna-6

Zusa

Tg.Suan Sian Mung

Jeju Island Zinna-5

Jeju Island Zinna-4

Jeju Island Zinna-3

Jeju Island Zinna-2

Jeju Island Zinna-1

Paa Lian Thugen Laitak

Hong Kem IN Pa Aw

Rev Pau sharing his testimony

Bucheon Station

Bucheon Station

Youth Choir- Christmas Night Service 2005

Sia Enpi - Sharing His Testimony

Singer- Sm Ciangpi

Zomi Innkuan Korea Thu KIkup Nih Veina

SOUTH KOREA GAMSUNG ZOMI INNKUAN VAI KIKUPNA A (2) VEINA

Amun: Bokdoen Presbyterian Church, Bucheon City
Ahun: 4:30-6:30 Pm
Ani: Nov. 26, 2006 (Sunday)

Meeting Kahteng:

Abraham Khual Suan Thang
Cin Son
Cing Za Luan
Cope Suan Pau
Dai Za Kam
David Khai no
Dim Khan Nuam
Dongh Suan Pau
Gin Khan Tuang
Hau Khan Cing
Joseph Ngo Kho Pau
Kam Hau Pau
Kam Lian Mung
Khai Cin Khup
Khai Khaw Cin Mang
Kham Lian Khup
Langh Za Cin
Lian Sian Hau
Mang Thawn Kham
Mung Sian Hon
Nang Sian Mung
Nang Za Khup
Neng Sian Lian
Ngai Lam Vung
Pau Khan Khual
Pau Khan Thang
Pum Lam Thang
Siam Za Khai
Suan Khat Pau
Suan Za Khup
Thang Khat Pum
Thang Khen Mung
Tual Lian Tuang
Tuan Zen Khai
Victor Pau Za Pum
Vum Khan Pau
Vung Hau Lun Cing
Zen Do Pau

Hun Geelna

Hun Uk: Sya Tual Lian Tuang
Hun Patna Thungen: Rev. Cope Suan Pau
Thu sung: Rev. Kham Lian Khup in Zomi innkuan vai tawh kisai pulakna leh thukong honna hong neihsak hi.

Agenda leh Khensatnate

Kipawlna Min Ding Geelna

# Hoih tak kikup na akineih khit takciang in, mipi deihtel na tawh, “Zomi Innkuan, Korea” hi ding in thukimna kinei hi.

2. Ngimna Bulpi:

# Ngimna tawh kisai in, kikupna ki nei a, “NOPNA LEH DAH NA AH KI-UAP, KIPANPIH DING” cih khensatna mipi in ki-nei hi. Ngimna leh tupna tawh kisai-in, pawl lutang tengin ahoih thei pen a hong zeptoh nadingin ki-ap to hi.

3. Panmunlen Kiteelna:

# Mipi deihna leh hoihsak tawh, pawl lutang dingin anuai a mi sagih teng kiteel khia hi:-

a. Rev. Cope Suan Pau
b. Rev. Kham Lian Khup
c. Saya Kam Hau Pau
d. Saya Dongh Suan Pau
e. Sya Nang Sian Mung
f. Sya Pau Khan Thang
g. Sya Nang Za Khup

# Hih atung a pawl lutang sagih sung panin, Thu Vaanpi (President) leh Thuzeekpi (Secretary) ding mipi lungkim na tawh anuai a mi nihte kiteel khia hi.

President: Rev. Kham Lian Khup
Secretary: Sya Nang Sian Mung

# Panmun dang akisam lai teng pen, teelcing mi sagihte’n amau leh amau panmun hong kiseh nadingin mipi in ki-ap to hi.

4. Thu Dotpi Ding Sehna:

# Mipi thukimna tawh anuai a muan leh suan mi nga teng “Thu Dotpi” dingin mipi in sehna kinei hi.
a. Abraham Khual Suan Thang
b. Rev. Thang Saan Mung
c. Rev. Zen Do Pau
d. Thang Khen Khup (Embassy of India, Seoul)
e. Victor Pau Za Pum

Pan Munlente’ Term Ding Kikupna

# Hoihtak in kikupna a kineih khit tak ciangin, tu a teelcing mi sagih teng leh thudot pi te,n khaguk sung hong makaih phot na ding un khensatna kinei hi.

6. Thu Ciaptehteng Simkhiatna

# Thu hong ciaptehsak ding a kiseh Sya Suan Za Khup leh Sya Nang Sian Mung te’n hoihtak in hong ciapteh sak in, Sya Nang Sian Mung in thu ciapteh teng leh, thukhensat teng hong simkhia aa, puah kikna ding omlo in hoih kisa kimciat hi.

President Thak Pa’ Lungdamkohna

# Thuvanpi dinga teelcing Rev. Kham Lian Khup in lungdamkohna leh Zomi innkuan a thupisak ding leh atangzai sak ding Zomi (mipi) nang leh kei, ii vekpi hi hang cih hong hanthotna leh hun hoihtak kizo hi cih pulaakna hong neih khit ciangin mipi in lungdamna lahna khut kibeng ngeingai hi.

8. Pawl Lutang teng Apna leh Hunzawh Lungdam Kohna

Pawl lutang dinga teelcing mi sagih teng, mipi mai ah Zomi bupin khutnga-in thupha kipia hi. Atawpna dingin, Dr. Gin Khan Tuang’ lungdamkohna tawh hunkhakna kinei hi.

Hun zawh khit ciangin Zomite’ kituah khopna Shelter ah bawngsa lim mahmah kine in nuam kisa mahmah hi.

Zomi Innkuan Korea Thukhun pite

Zomi Innkuan Korea Thukhun pite

I. A Min: Hih kipawlna min pen “ZOMI INNKUAN KOREA” hi ding hi.

II. A Mun: South Korea gam sung hi ding hi.

II. A Huam: South Korea gam aom Zomiteng huam ding hi

IV. Motto

“SEMKHAWM LAWHCING”

V. Emblem:

Lai kual khat kibawl dinga,line nih phasak in a lai zangah Zomi Innkuan Korea kigelh ding hi ( Kipumkhatna lahna )
Kual sungah Korea gamlim kisuai dinga,ngeisok paak hiang tungah vaphual kituangsak ding hi.(Zovontawite omna leh a cihtakna uh lahna)
Background dingin Zo dialkhai hi ding hi.( Zomi itna lahna)

VI. Pawlmi Hihna

A. Pawlmi Kip

Pawl lutna leh Kum/kha sum a pia mi hi ding hi

Theih Ding:
1. Zomi a hilo hong kipawl nuam mi dangte kisang ding
2. Member ahi sa khat in thu leh la leh sum leh paai tawh khaguk sung kizopna hong neih kei leh amah leh amah kipawlna sung pan a paikhia in kingaihsun dinga, amah pen pawlhuam in kingaihsun ding hi.

B. Pawlhuam Hihna

Zomi hi napi’n kipawlna sum hong pialote pawlhuam hi ding hi

VII. Ngimna leh tupna

South Korea tung Zomite kipum khat na ding
South Korea tung Zomite nopna,dahna ah ki-uap na ding
Zomi bup phattuam na ding leh khantoh na ding nasem ding

VIII. Pawl Makai Dingte

Pawl makai (Pawl lutang, Pawl lutang huh,Thu vaanpi,Thu vaanpi huh, Sum kem, Sazian kem dingteng anuai a bang hi ding hi

A. Pawl mi kip hi ding hi
B. Pawlmi a tam zaw thukimna tawh teelcing mi hi ding hi

IX. Sumbul

Pawl lutna sum
Kum/kha sum
Deihsakna tawh hong kipia sum

A tunga ( nambat A pan C) teng pen pawl sum bul hi ding hi

X. Kumcin Kikhoppi Ding

Zomi Innkuan kiphuat ni November 26 tawh kinai pen Nipi ni (Sunday) in pawl pian ni tawh kithuah in kibawl khawm ding hi.


ThuKhun Keete (By Law)

I. Pawl Lutang na sep ding

A. Thu Vaanpi tawh kikum in meeting sam ding hi
B. Meeting khempeuh makaih ding hi

II. Pawl Lutang huhpa/na sep ding

Pawl lutang aman loh ciangin Pawl lutang sep ding teng sem ding hi

III. Thu Vaanpi na sep ding

A. Thu khensatna tawh kizui in vaan in semkhia ding hi
Pawl lutang tawh kikum in meeting sam ding hi.

IV. Thu Vaanpi huh na sep ding

Thu vaanpi tawh kithuah in a kitaangsapna bangin huh ding hi

V. Pawl sumkeem na sep ding

A. Pawl sum khempeuh hoihtak in keem ding hi.
Sum sazian kempa ii sum laakna lai (voucher) bek tawh

VI. Sum Zeekzia Ding

A. Mipi thukhensatna tawh sum kizeek ding hi
Thukin aom leh Office Bearer (OB) thukhensatna tawh kizeek ding hi
Nopna dahna a sum kizang dingte pen fund pan kizanglo dinga mipi tungpan kidong tawm ding hi.

Theih Ding: Sumbul (Fund) kipawlna tawh kisai a tuamtuamte ah zat ding ahi hi.

VII. Nopna leh Dahna

A. Dahna

1. Pawlmi khat in sihna hong tuah leh sihgalna sum mipi sehsa bangin kipia ding hi
2. Pawlmi khat ii nu leh pa, zi leh pasal, laigui zom sanggam u leh nau leh a tate in sihna tuah leh mipi sehsa bangin sum kipia ding hi
3. Liamna baina, natna satna hangin zato lum aom leh mipi sehsa bangin vehna sum kipia ding hi

Theih Ding: Zato a tunloh hang natna a nasia aom leh Office Bearer (OB) te’ thukhensatna tawh kiveh ding hi.

B. Nopna

1. Kipi kiteenna tawh kisai

Zinei pasal( nungak tangval) nei aom leh lungdampihna sum mipi sehsa bangin kipia ding hi

2. Lukhu neelkai ngahte

Master degree leh a tungsiah gualzawhna aneite pahtawina mipi sehsa sum tawh kituak van kipia ding hi.

3. Nausuak thak

Pawlmi sung pan nau suak thak aom leh mipi sehsa sum bangin nau-etna kinei ding hi.


Thu Khensatna


I. Committee Memberte’ Term Ding

A. ZIK-EC-01/01-001/06. Pawl makai dingteTerm pen kum khat hi ding hi.
ZIK-EC-02/01-002/06 Pawl makai khat pepeuh om theih lohna aom leh OBte in hong vaihawm ding hi.
ZIK-EC-03/01-003/06 Makai a semsa khat kum khat a sep khit ciangin mipi in a deih a ,amah a kiphal nak leh kitel toto thei ding hi.

II. Membership Form

ZIK-EC-04/01-004/06 Membership form kibawl ding hi.

III. Letterhead leh Seal

ZIK-EC-05/01-005/06. Letterhead leh seal kibawl ding hi.

IV. Pawl Lutna Sum

A. ZIK-EC-006/01-006/06 Pawl lut (registration fee) nadingin mi khat or innkuan khat in peello in Won 10,000 ta pia ding hi.
ZIK-EC-007/01-007/06. Member fee dingin mimal khat ciang kha khat tul khat (Won 1,000) hi dinga, kum khat ai tha khat thu-in a pia nuam te’n Won tul sawm (Won 10,000) pia ding hi.

Theih Ding: Korea ah innkuan a omte’ naupangte kum 18 nuasiah member fee kilalo ding hi.

IV. Dahna tawh kisai sum donzia ding

A. Pawl Mikip

1. ZIK-EC-008/01-008/06. Pawl mikip khat-in sihna manna hong neih leh mimal khat ciangin tul ngata (Won 5,000) kidong tawmin kipia ding hi.
2. ZIK-EC-009/01-009/06. Pawl mikip khat-in dahna a tuah leh siatvatna sum mimal khat ciangin tul nih (Won 2,000) ta kidong tawmin kipia ding hi.

B. Pawlhuam

ZIK-EC-009/01-009/06 Pawlhuam khat-in sihna manna hong tuah leh pawl mikip tunga kipia zah ii a lang kipia ding hi.

C. Zin leh Leeng


ZIK-EC-010/01-010/06 Zin leh leeng khat in sihna manna hong tuah leh a hun zui in Office Bearer (OB)te’n tavuan honglaksak ding hi.

VI. Nopna thu tawh kisai sum donzia ding

A. Pawl Mikip

ZIK-EC-011/01-011/06 Pawl mikip nungak tangvalte hong kiteen leh mipi tungpan in mimal khat ciang Won tulnga (Won 5,000) ta kidongin kipia ding hi
ZIK-EC-012/01-012/06 Laisinna ah gualzawhna nei lukhu neelkai khute pahtawi nadingin mipi kiangpanin mimal khat ciang Won tul nih (Won 2,000) ta kidong dinga, tua sungpan Won 100,000 man laibu kipia ding hi.A val aom leh sumbul ah lut dinga , a cin kei leh sumbul pan ki-eu ding hi.
ZIK-EC-013/01-013/06 Nausuak thak khat aom leh mimal khat ciangin Won 2,000 ta kidongin nau etna dingin kipia ding hi.

B. Pawlhuam

ZIK-EC-014/01-014/06 Pawlhuam mi ahih leh a tunga kigen teng ii a langta kipia ding hi.


Hih a tunga Constitution bawlna leh thu kikupnate kipat nadingin Rev.Cope Suan Pau in thungetna hong neihsak a, tawp nadingin Rev. Zen Do Pau in lungdam kohna hong neihsak hi.Thu kikupna pen 11:00 pm November 10,2006 in kipan a 2:00 am November 11,2006 hun in kizo hi.
Thu kikupna ah

kiheelteng:

1. Kham Lian Khup (Rev.)
2. Cope Suan Pau (Rev.)
3. Zen Do Pau (Rev.)
4. Nang Sian Mung
5. Dongh Suan Pau
6. Pau Za Pum
7. Pau Khan Thang
8. Khual Suan Thang

Kiheel Khaloteng:

1. Kam Hau Pau
2. Nang Za Khup
3. Thang Saan Mung
4. Thang Khen Khup